ينشدني اللي ما عرف وش خوافيه سؤال وشغلني عن النوم لانام

ينشدني اللي ما عرف وش خوافيه
سؤال وشغلني عن النوم لانام

الأخ وشلون يتعامل مع اخيه
في محكم العادات وشروع الاسلام

وفكرت وش ارد والرد ياهيه
قصيدة تبقى تنكتب على مر الأسام

قلت الأخوة فرع من عدة اوجيه
دام المحبة سلم وافيين وحشام

أخيك لو يجفى تحذر تجافيه
تواصلوا مافي الجفى خير لو دام

بعيد عن كثر العتب والمشاريه
فلا يتعدا الهجر ثلاث أيام

وأخيك عند الناس لامر طاريه
سكت لساناً عذربة عند الأقوام

ترى حاكي بك مثل ماحكى فيه
وأنت المامي والمقابيل قدام

وأخيك لويحتاج حذرا تخليه
يمد كفه للعرب وأنت بنعام

عاطه ماربي قاسم وأكرم ايديه
أخ يشيرك في حياتك ولو شام

وأخيك لو ماينحشم يحشم ابيه
مشي الأمور لهون قدام تلام

أخيك برقبتك ولو ما تدانيه
ترى الرسول اوصى على وصل الأرحام

وأخيك لو انه رديئ لا تعاديه
سلم عليه ووجبه واجب اكرام

ورفع نباه ولا تخيب هقاويه
لعله يجعل بصيرة الى حام

ولك أخ امك ما تجيبه وتبريه
يعيف زاده لو لقي اخيه منظام

ساير مواقيفه وجرب مماشيه
وناس فاميقاف منقسمة اقسام

احدن تحفظ اسمه كذا منت تبغيه
مجاملة والوقت بايع وسوّام

وحدن مهو يحتاج تحفظ اساميه
اصابعك بالحالها تدق الارقام

لانه رفيق ماتغير مباديه
وحبته تزداد عامٍ ورى عام

ذي تجربة خوة ولا تسج ياهيه
ترى البشر منظورها ناتج احكام

يستعظمون اللي ربوعه حواليه
ويستظعفون اللي لحاله اذا قام

من لا يعز اخيه ويقدر اخيه
يندم اذا بانت صواديف الأيام

ما ينتعوض الاخ لو فيه مافيه
حطه ذراعٍ لك والأيام قدام

تلقي عليك وجيه وتغادر وجيه
وأخيك طول العمر يبقى لك حزام