الناس فالدنيا معادن واشكال

الناس فالدنيا معادن واشكال
كلا' له طبعه وله منواله

تنقاس من اقوالهم والافعال
وفالمواقف تختبر احواله

وانا بهذا لي مواقف واقوال
با اقول بالوضح كفى مرفاله

باقول لاصناف العبيد والدجال
والمرتشي والمصلحي واشكاله

ابغض حياة الذل انا والاذلال
والمنبطح والمندعس وامثاله

وابغض زبون المافيه والدلال
من باع دينه والوطن واجياله

وابغض عبيد المصلحه والنقال
وكل بايع للاخاء بوكاله

وكل انسان له ثلاثين مكيال
ومن يخالف مايقول افعاله

ومن يبيع عزه بمنصب واموال
وكل خانع يرتضي باذلاله

واعتز باهل العز انا والابطال
وكل حامل فالحياه رساله

من في صفوف الحق صوال جوال
في الصحاري والسهول وجباله

من زلزلوا من تحت الاقدام زلزال
لكل باغي مرتهن قتاله

لهم مواقف ثابته ماتحتال
مهما تغير ظرفها والحاله

مايوم تنقاد كالبعير للجمال
كلا ولاترقص على مواله

الحريه رغم الجروح والاثقال
فخري وعزي فالحياه ورجاله