عنوان القصيدة انواع الرجال الناس مثل الناس فــي كل الاحوال.. لـــكن تفرقهم صفات الرجولــه

عنوان القصيدة انواع الرجال

الناس مثل الناس فــي كل الاحوال..
لـــكن تفرقهم صفات الرجولــه

مـــــاكل من ربــى شنـــــب كان رجال..
ولا كـل من يطمح لعــزه ينوله

ولا كل من يركب عـــلى الخيل خيال..
والخيل ماهو مستوي في صبوله

ولاكل من يــخطم بعيره بجمال..
ولا كل راعي نوق يشبه ذلوله

شفت الرجال أصناف وأنواع وأشكال..
ما نايفات الحيد تشبه سهوله

رجال تلقى أفعالها نفس الاقوال..
ورجال فعله عـكس ماهو يقــوله

ورجال تــوقف في الشدايد والاهوال..
ماتختفي لا الحرب دقت طبوله

تلقـــــاه في كســـب الجمالات حمال..
وله مع الاجواد صـــــوله وجولــه

ورجال يبقى ذكرهم ضمن الانذال..
ذي مـــايبيض وجـــه من يندهو له

وفي الحرايب قط ماصال أو جال..
وأنها عوافي كم يسجل زبطوله

قد غــــرني شكله وهو قابع الـشال..
ماشفت له فزعه ولا ريت زوله

ورجـــــال تشمخ شــــايله جور الاثقال..
ورجال تبرك ماتشيل الحــموله

ورجال لجل العز بالحال والمال..
تشتد به ربعه ومن كان حوله

مايقبلـو الباطل لو الدم سيال..
والحق حتى ارواحهم يرخصو له

ثابت على مبداه مهـمـــــا الزمن طال..
العز ساسه والشهامة فعـوله

ورجال ترضى عيشها عيشة اذلال..
ولا يرومو العز أو يطمحـــــو له

ولايقف للــحق فــي اي الاحوال..
ويعرف الباطل ويعلن قبوله

لا غرتك الأقوال دلتك الافعال..
وأفعال بعض الناس تكشف اصوله

شوف الرجال أفعال والعم والخال..
مـاهم بمعيار الشرف والبطولة

ياكم نشاما واصبحو مضرب امثال..
بأفعالهم تفخر قبايل ودوله

كلن فرض نفسه كسب حب وإجلال..
يـسعى لــــنيل المجد حتى يطوله

وكم لـــــقيت انذال من نسل الابطال..
ذي هان صيت أهله وما ورثو له

ياصاحبي لاتركن الوقت ميال..
والطير لاعلى ترقب نزوله

خلك على درب الوفاء عبر الاجيال..
ولاتهم الوقت قصره وطولـه

للطيب والمعـــــروف كن دوم مدهال..
واحذر من أصناف الردى في المقوله

ولاتمـدح للجمايل وتحتال..
الـعيب تظهر شي ولا انته بحوله

مني تحيه للنشاما والابطـــال
وازكى صلاة الله تبلـغ رسوله

وسلااااامتكم