قصيدة جميع الحروف من (ٲ)الى ال (ي) (ألألف)الفت المثايل وبديت ذكرالله اللي محصي الحي والميت

(ألألف)الفت المثايل وبديت
ذكرالله اللي محصي الحي والميت
المــعــتلي علام ماكـنت كنيـت
في ضامري ودعاني اليوم عمسان

(البا)بثني بالنـبـٌي والصـحابـه
حـقً عليـنا ذكــرهــم ينـثـنا بــه
ولا مقصدي من مابدعةالطرابه
يعلم بي اللي عالـمً كـل ماكــان

(التا)ترى مايبدع الــــقاف مـــــرتاح
ولا يضحك المفجوع حلو التمزاح
ولو. يبدعهْ كأنه طعامً بلا. ملاح
ماله طعم يثري علىالحال نقصان

(الثا)ثمـان سنين والقلب مفجوع.
لا طــايع غيــــري ولاني بمطيوع.
اسـهر الی ِاِن الفجر بـان بطلـوع.
متكدر جفني عن النوم سهـــران.

الجيم)جارالوقت والوقت مذموم
ولا صفا لي بالهنا منه لو. يوم.
جار الزمان وبدل القوم في قوم.
ولا يذكر الااللي من المال مليان.

(الحا)حرارالقوم ضاعت مع الناس
الوقت عاداهم وداس الذي داس.
وطاوع كثيرالمال لوهومن الانجاس
وعصابعض ياناس ذرينين الايمان

(الخا) خوي الطيب ياوين تلقاه.
اللي ليا حدك عن الوقت تنصاه.
اقفا زمان الطيب وين انت واياه.
فقير ماعندك رصيد وعمران.

الدال)دوابي من عناالوقت دالوب
كن الغض في ماسط القلب مشبوب
عفت الطعام وعفت انا كل مشروب.
من ذا الزمان اللي جزاني بنكران

(الذا)ذهب هاالوقت ماهو بصافي
ناس يغرونك بزين اللصافي.

(واذا) بحث ته بان ماكان خافي.
حديد ماله مع هل الجود ميزان.

(الرا) رفيع النفس بالدين محمود.
لو هو فقير يدرك الجود ويجود.
ولو تطلبه شيئا ولا هو بموجود
في منزله يوقف مواقيف ديقان.

(الزا)زرعت الطيب والله شاهد.
والله ماقصرت في حق واحد.
انا احسب ان الزرع يثمر لحاصد.
واثريه صبخا من زرع فيه خسران

(السين) سل عن صاحبك قبل الاسفار
قبل تغرب من مرابعك لديار
كانه عنيد ودايم الدوم عسار
خله ترى ما يبصر النور عميان.

الشين)شاب الراس والوقت توه.
من ذا الزمان اللي فلا به مروه
يالله راعي الطيب يالله قوه.
على زمانً شيب اليوم شبان.

(الصاد)صابر والصبر درب الافراج
وارجي الذي منه المخاليق ترتاج
انه يفرج لي مع الضيق مخراج
ويجازي الطيب علىالطيب بإ حسان

(الضاد)ضحك الوقت لا تنخدع به
لو هو حلا نومك وزادك وشربه
الله من شيخ زمانه غدر به
خلاه عقب المال ما يملك غران.

(الطا)طبيب النفس غاية مناها
ولا تسمع اللي عن طريقة نهاها
كم نفس ماتت ماوصلت مبتغاها
انشد وتلقا اللي نظمناه وكدان

(الظا)ظهرخافي ضميري وسجلت
قافي وانامبطي عن القاف
ماقلت ولاني بخايف بالتماثيل
ماعلت والحق يظهر له شهود وبرهان.

(العين)عن من ينقل الهرج حذراك
تراك ما تكسب وراء شيله املاك
كم من هروج قطع الهرج بشراك
واسبابها قولة فلان وفلان

(الغين)غني النفس والطيب فاله
يقال له نعمين ياجا مجاله.
والا ردي النفس راعي نذالة.
لا نافع نفسه ولا هو بربحان.

(الفا)فعول الطيب ترفع جلالك
ياصرت طيب كل شخص يعنالك
ولو مت في وسط المجالس عيالك
لوهو صغير ما يشوفون حقران

(القاف)قلت حيلتي واجتهادي.
من ذاالزمان اللي به الطيب غادي
عندك خبر ما كل علم وكادي
بالناس صدقانً وبالناس كذبان

(الكاف)كم من طاح بالحبس مظلوم
وهو سليم الجوف لاشك متهوم
ماقدر المولى على العبد مقسوم
ولا لك على ما قدر الله عصيان

(اللام)لاتبدي على الناس خافيك
ما كل من يضحك بوجهك يدانيك
كم من صديق تحسب انه مصافيك
وهو خسيس بالمواجيب خوان

(الميم)ما لك عن نصيبك مفرا
ان كنت في جوا وبحرا وبرا
ما قدر المولى عليك استقرا
اللي خلق من طينة القاع انسان

(النون)نوح الطير لاتحسب انه
غنا طرب يالقرم من زود فنه
يمكن معاسير الليالي وطنه
ما كل طير يزعج الصوت طربان

(الها)هني اللي تمسك بدينه
قبل العمر بالغي تقضي سنينه
نفسه لصومه ولصلاته فطينه
هذاك له في جنة الخلد مسكان

(الواو)ودي مير ماهو بكيفي
ان البشر تمشي بقلب نظيفي
غنيهم يا لطف بحال الضعيفي
حتىتساوىالناس في كل الاوطان

(اليا)يعل الله يقبل دعاتي
حيث عليم بسيتي وحسناتي
والخاتمة صلوا كثير الصلاتي
على نبـي خـاتـم كـــل الاديان